АЗАМАТТЫҚ ҚОРҒАНЫС КҮНІ:ҚАУІПСІЗДІК ДАЙЫНДЫҚТАН БАСТАЛАДЫ
Сурет gov.kz
Жыл сайын 1 наурызда Дүниежүзілік азаматтық қорғаныс күні атап өтіледі. Бұл күн халықты және аумақтарды төтенше жағдайлардан қорғаудың маңыздылығын, сондай-ақ құтқару қызметтерінің маңызды рөлін еске салады.
Азаматтық қорғаныстың басты міндеті — адамдардың өмірі мен денсаулығын сақтау, сондай-ақ төтенше жағдайлардың салдарын азайту. Мұндай оқиғаларға өрттер, су тасқындары, жер сілкіністері, кәсіпорындардағы апаттар және басқа да қауіпті жағдайлар жатады.
Осы күні ұйымдар мен оқу орындарында оқу-жаттығулар, эвакуациялық жаттығулар, сондай-ақ төтенше жағдайлар кезіндегі іс-қимылдар бойынша сабақтар өткізіледі. Мамандар халыққа дабыл белгісі берілген кезде өзін қалай ұстау керектігін, алғашқы медициналық көмек көрсету дағдыларын және жеке қорғаныс құралдарын қолдануды үйретеді.
Сонымен қатар, хабарлау жүйелерінің, құтқару бөлімшелерінің және арнайы техникалардың дайындығы тексеріледі.
Осындай іс-шараларды өткізу халықтың қауіпсіздік деңгейін арттыруға және қызметтердің ықтимал төтенше жағдайларға жедел әрекет етуге дайындығын күшейтуге көмектеседі.
Қарғалы аудандық ТЖБ
