АДАЛ ЕҢБЕКТІҢ ЖЕМІСІ

Қай кезде болмасын еңбек адамының еңбегі жігерлігімен, ізденімпаздылығымен танылса, онда нәтижесіне қарай бағасын да алып жатады.

Біздің кейіпкеріміз де өңіріміздегі егін мен мал шаруашылығының қатар дамуына үлесін қосып келе жатырған қарапайым еңбек адамы. Олай болса «Велихов» ЖШС-нің озат комбайншысы Мухамбет Испановтың еңбек жолы жайында сөз етпекшімін.

Ол 1968 жылдың қазан айында Орынбор облысы Қуандық ауданының  Айтуар ауылында  дүниеге кеген. Отбасындағы 8 баланың ортасындағы ең кенжесі. Әкесі ҰОС ардагері, сондай-ақ, қойшы болып еңбек еткен. Ал анасы Жания тыл ардагері, аспаздық қызмет еткен көп балалы ана.

Өзі туып-өскен Айтуарда мектеп бітіріп, 1986 жылы әскерге кетпес бұрын  ДОСААФ мектебін бітіреді. Сол жылы Венгрия елінде аға сержант, бөлім командирінің көмекшісі болып, Отан алдындағы борышын өтейді. Қазақтың қайсар мінезді ұлының ерлігі  ескеріліп, 2023 жылы 12 жетоқсанда Германиядағы Кеңестік топтың арнайы медалімен марапатталады.

Одан соң әскери борышын өтеп келгеннен кейін, туған жерінде механизатор болып еңбек етіп жүрген кезде,  кеңшар «бонкрот» деп табылып,  ыдырайды. Отбасымен Қазақстанға қоныс аударып, (бұрынғы  Херсон) қазіргі Ақжайық ауылына  қоныстанады.

Тағы бір айта кететіні, ол «Рамазан» ЖШС-де механизатор болып еңбек етіп жүрген кезінде бұл серіктестіктің де тарауына байланысты Велиховтағы «Темір ВС» кен өндіру мекемесінде шынжыр табанды ауыр  трактор жүргізушісі болып 8 жыл еңбек етеді. Бұл кен орны да жұмысын тоқтатқаннан кейін «Велихов» ЖШС-не механизатор болып жұмысқа орналасады. Түрлі ауыл шаруашылығы техникасын меңгерген өз ісінің маманы, егістікте де, мал бағып та еңбек етіп келеді.

Биылғы егістік науқанының басынан-ақ, су жаңа заманауи «John Deere» комбайынын тізгіндеген Мухамбет егін жинауда да жоғары көрсеткішке қол жеткізгені үшін ауыл шаруашылығы еңбеккерлерінің кәсіби мерекесінде еңбегі еленіп, аудан әкімінің алғыс хатымен марапатталды.

Қарапайым еңбек адамы қазіргі таңда немерелерінің  қызығына бөленіп отырған ардақты ата. Сонымен қатар, бұл күнде ақ адал еңбегінің жемісіне риза жан.

Бақыт ИМАШЕВ