ЖЫЛЖЫМАЛЫ МЕДИЦИНАЛЫҚ КӨМЕК — СТЕПНОЙДА

Жылжымалы көмек — шалғайдағы ауыл тұрғындарына медициналық көмектің қолжетімділігін арттыруда қарқынды дамып келеді.

Осы орайда  өткен аптада аудандық аурухананың білікті мамандары  ауданға қарасты Степной ауылдық округінде болып, ондағы тұрғындарға жылжымалы медициналық көмек көрсетті.

Айта кететін болсақ, Мемлекет басшысы бұған дейінгі Жолдауында ұлт саулығына басымдық беріп, медициналық инфрақұрылымды жақсарту, әсіресе, ауылдық жерлердегі денсаулық сақтау қызметін дамыту жөнінде айта келе, бұл бағытта ұлттық жобаны жүзеге асыруды тапсырған болатын.

Нәтижесінде Президентіміздің тапсырмалары шеңберінде аудандық аурухана ұжымы жыл сайынғы маусымдық кезеңде ауылдық жерлерде медициналық көмектің сапасы мен қолжетімділігін жақсарту жөніндегі кең ауқымды шараларды іске асыруда.

Ауыл тұрғындарына жылжымалы медициналық көмек көрсету кешенде педиатр, терапевт, эндокринолог, кардиолог, хирург, акушер-гинеколог, отоларинголог, окулист дәрігерлері болып, тексерушілерге қажетті кеңестерін берді.

Сонымен қатар, анализдер (қан,зәр) алынып, ЭКГ және рентген-
флюрографиялық диагностикалық аппараттарымен тексерулер жүргізілді.

Жылжымалы кешен қызметіне жүгінге ауыл тұрғындары да ризашылықтарын білдіріп, алдағы уақытта да осындай тексерулер жүргізіліп тұрса деген лебізіндерін білдірді.

Қарғалы-АҚПАРАТ