Полиция департаменті ескертеді: ұлтаралық араздықты қоздырғаны үшін қылмыстық жауапкершілік қарастырылған
Әсіресе әлеуметтік желілердегі арандатушылық сипаттағы жазбалар мен пікірлерге ерекше назар аударылады. Мұндай әрекеттер Қазақстан Республикасының заңнамасы бойынша қылмыс болып саналады.
Қазақстан Республикасы Қылмыстық кодексінің 174-бабына сәйкес, әлеуметтік, ұлттық, рулық, нәсілдік немесе діни алауыздықты қоздырғаны үшін 2 жылдан 7 жылға дейін, ал ауыр зардаптарға әкелген жағдайда 12 жылдан 20 жылға дейін бас бостандығынан айыру түріндегі жаза қарастырылған.
Полиция департаменті азаматтарды асығыс және жауапсыз қоғамдық мәлімдемелерден бас тартуға, сондай-ақ еліміздегі бейбітшілік пен тұрақтылықты, ұлтаралық келісімді сақтауға белсенді түрде үлес қосуға шақырады.
