Қызмет алушының құқықтары қорғалды

Қазақстан Республикасы Мемлекеттік қызмет істері агенттігі тарапынан азаматтардың құқықтарымен мүдделерінің қорғалуына ерекше назар беріледі.

Департаменттің басты міндеттерінің бірі – халыққа сапалы мемлекеттік қызмет көрсету мәселелеріне назар аудару, әкімшілік кедергілерді жою және азаматтардың мемлекеттік билік институттарына деген сенім деңгейін арттыру.

Қойылған міндеттерді жүзеге асыру үшін Департамент бақылау және түсіндіру іс-шараларын жүргізеді, мемлекеттік қызметтер көрсету кезінде, оның ішінде жұртшылықты тарта отырып, заңнаманы сақтау жөнінде шаралар қабылдайды.

Алайда кейбір жағдайда, мемлекеттік органдар азаматтарға мемлекеттік қызмет көрсету кезінде негізсіз бас тарту, артық құжаттарды талап ету немесе қызмет көрсету мерзімдерін бұзу секілді бұзушылықтарға жол беріп отырады.

Атап айтқанда, қызмет алушы «жер учаскесінің нысаналы мақсатын өзгерту» мемлекеттік көрсетілетін қызметін алу үшін Ақтөбе қаласы әкімі аппаратына жүгінген

Бірақ аталған мемлекеттік қызметті алу барысында азаматқа негізсіз бас тарту берілген. Қызмет алушы мұндай шешіммен келіспей, Департаментке шағым жолдаған болатын. Материалдарды зерделеу қорытындысы бойынша қызмет алушының уәждері өз растауын тапты және Департаменттің араласуымен оның құқықтары қалпына келтіріліп, жер учаскесінің нысаналы мақсатын өзгерту туралы шешім берілді.

Шманов Мейірхан АСҚАРҰЛЫ,

Қазақстан Республикасы Мемлекеттік қызмет істері агенттігінің Ақтөбе облысы бойынша департаменті мемлекеттік көрсетілетін қызметтер басқармасының бас маманы