Халық таңдауы – ел ертеңінің кепілі

Қоғам дамуы үшін халықтың пікірі естілуі маңызды. Ал оны жүзеге асыратын негізгі тетіктердің бірі – өкілді билік.

23 тамызда өтетін Құрылтай депутаттарының алғашқы сайлауы осы тұрғыдан ерекше маңызға ие. Себебі азаматтар өз дауысы арқылы алдағы бес жыл бойы заң шығару жұмысына қатысатын жоғары өкілді органның құрамын анықтайды.

Кейде заңдар бізден алыс сияқты көрінуі мүмкін. Бірақ олар күнделікті өмірдің барлық саласына әсер етеді: білім, денсаулық сақтау, кәсіпкерлік, әлеуметтік қолдау, өңірлердің дамуы. Сондықтан заң қабылдайтын органның қалай қалыптасатыны әр азамат үшін маңызды.

Сайлау – бұл тек таңдау жасау емес. Бұл – қоғамның өз пікірін заңды түрде білдіру мүмкіндігі. Белсенді азаматтық ұстаным дәл осындай қадамдардан басталады.

Елдің дамуына бейжай қарамайтын әр адам үшін бұл маңызды кезең.

Ақтолқын ЕЛЕМЕСҚЫЗЫ,
Жастар ресурстық орталығы маманы