Ауыл шаруашылығының дамуы – елдің дамуы
Қазақстанның агроөнеркәсіп кешенін субсидиялауға кейінгі 6 жылда 2,5 триллион теңге бөлінді. Нәтижесінде ауыл шаруашылығының жалпы өнімі 1,8 есеге дейін артқан. Ал азық-түлік өндірісінің көлемі 2,1 есе ұлғайды. Былтыр дән егіп терлеген диқандар рекордтық өнім алды. Қазақстанның агроөнеркәсіп кешенін дамытуда мемлекет тарапынан көрсетілетін қолдаудың маңызы зор.
Ақтөбе облысында да саланы дамытуға айрықша көңіл бөлінуде. Соңғы 6 жылда бірқатар ірі инвестициялық жобалар жүзеге асырылып, ауыл шаруашылығының жалпы өнімі 31,4% – ға өсті. Еңбек өнімділігі 29,4% – ға артты. Агроөнеркәсіптік кешенде инвестициялық жобаларды іске асыру жөніндегі жол картасы әзірленді, жоспарға сәйкес 2025-2027 жылдары жалпы көлемі 63,1 млрд. теңге болатын 50 жобаны іске асыру жоспарланып отыр.
Инвестициялар мен қолдаудың арқасында еліміз ауыл шаруашылығы саласында сапалы әрі жедел жетістіктерге жетіп, әлемдік нарықта өзіндік әрі берік орнын алуда. Бұл үрдіс, ең алдымен, ауыл тұрғындарының әлеуметін арттырып, болашақта жаңа мүмкіндіктер ашатын болады, ол өз кезегінде ауылды дамыту мен халықтың әлеуметтік жағдайын жақсартуға зор ықпалын тигізеді.
Мемлекет тарапынан көрсетілетін қолдаулар мен инвестициялардың арқасында бұл сала одан әрі гүлдене беретініне сенімдіміз.
