Өрендердің өрелі жетістіктері

  Ақтөбе Дарын өңірлік ғылыми-тәжірибелік қосымша білім беру орталығының ұйымдастыруымен Республикалық «Алтын қазына» көркем және сәндік-қолданбалы өнер бойынша балалар шығармашылығы көрме-байқауының облыстық кезеңі өтті.

Көрме-байқаудың мақсаты – білім алушылардың көркем, шығармашылық қабілеттерін дамыту, тәрбие беру және тұлғаны әрі қарай үйлесімді дамыту бойынша жүйелі және мақсатты қызмет жүргізуге жағдай жасау, рухани-адамгершілік және мәдени құндылықтарға араластыру.

Республикалық «Алтын қазына» көркем және сәндік-қолданбалы өнер бойынша балалар шығармашылығы көрме-байқауына аудандық балалар өнер мектебінің бүлдіршіндері қатысып, нәтижелі жетістікке қол жеткізді.

Атап айтар болсақ, “Киім Дизайны” бөлімінің білім алушысы Сабина Мұхамеджанова жүлделі ІІ орынды, Анель Ержанова ІІІ орынды иеленді. Байқауға дайындаған жетекшісі Нұрила Жақсыберген. Сондай-ақ,  аталмыш өнер мектебінің шәкірті Жанель Ерменова да  мақтау қағазына қол жеткізді.  Жанельді дайындаған жетекшісі Кенже Мужабаева.

Жұлдыз КЕНЖЕ